الاثنين، مارس ١٧، ٢٠٠٨

علي الحب التقينا ..!!

كنا أربعة .. باعنا واحد بقينا ثلاثة ..ياتري مين اللي عليه الدور
إحنا
أحمد عبد العزيز " زيزو لماضة " هندسة
الحسيني إبراهيم " هو هوس " حقوق
أحمد عبد الحميد " مش عارف حاجة "علوم
حسن خضري " صريح اوي " تربية


عندما كنا نجتمع في سالف العصر والأوان .. عندما كنا طلاب " طبعا " كان هناك سؤال غريب دايما لازم نسأله

هي النتيجة ظهرت ..؟؟!! ها عملت إيه ..

كان فيه إخوان بحق متميزين
تقديراتهم كانت دايما عالية جدا لدرجة لم نكتشفها إلا بعد فعاليات الاتحاد الحر
مش بس في الدراسة لكن كمان في العمل الدعوي كان فيه روح منافسة رهيبة بين
إخوان الكليات من أجل ظهور العمل علي اكمل وجه وحتي لا يقع فريسة الألسنة المسنونة في حالة التقييم من الناس دي
كان الأخ الحسيني .. " فيه ألذ من كده "

الأخ الحسيني رغم البدانة المفرطة " اللي هو حاطط نفسه فيها ..هو رفيع يا جماعة.. بس بيلبس هدوم كتييير .. وكمان هو عامل رجييييييم اليومين دول.. ربنا يستر" إلا أنه كان دائما كما عهدته خفيف الظل خصوصا عندما نجتمع نحن الأربعة " ؟؟" كان مبدع في مجاله أفكاره دائما وأبدا ماتوحي بأنك امام إنسان مجدد بيحب الحرية والبساطة والاناقة في أداء العمل ..
ياراجل " دي متلازمة الحسيني .. لما يكون شاكك في حاجة يقولها
إحنا تلاتة .. ياراجل ..هههه


الأخ أحمد عبد الحميد " الأخ السلفي "
انا فاكر اول مرة كنا فيها إحنا الأربعة مع بعض وكنا تحت شحرة المنجا بنتكلم في إعداد صحوة
الكلام ده من سنتين كده .. وكان فيه في الصحوة صورة طالبة " مش عارف مالها كدة " واحمد مصمم نشيل الصورة
كلنا قلنا لأ مش هتنشال .. إخواننا قالوا والصحوة دي مش نازلة .. قوموا روحوا " تماما كما حدث في اطوانة العفة
الحسيني قالوا انت باين عليك كدة اخ سلفي ومن ساعتها .
"حسبي الله " دي متلازمة الاخ احمد .. وبرده دايما يقولها في حالة الشك او الهزار.
كان الاخ أحمد اكرمه الله .. مثل الحسيني بيحب التجديد باستمرار ويتمتع بعقل تجاري
" دي طبيعة اهل أبو كبير دايما ..هو يعني هايجبها من بره"
زيزو لماضة " الأخ أحمد عبد العزيز "
ده بقي اللي كان مخلي المجموعة دي ليها روح وكنا بنسميه "المبدع "
كان دمه خفيف "جدا رحمه الله " مرة واحنا بناقش موضوع طرد بعض الإخوة من المينة قال انا عندي فكرة حلوة
احنا نجيب مرتبة اسفنج لبعض الإخوة وكام عداية طماطم وحبلين غسيل ونفرش امام رئاسة الجامعة
والمطرودين يفضلوا فيها .. هو الموضوع ماتمش لأن رئيس الجامعة حس إن فيه حاجة جامدة هتحصل فرجع إخوننا المدينة تاني
وطبعا مش هانسي فكرته " يوم في حب مصر "
والكلام عنه كتير مش بيخلص
... ونكمل في مرة تانية بقي

هناك ٢٠ تعليقًا:

د/اجدع بنوته يقول...

ربنا يوفقكم يارب ..

ويقويكم

ويديم صداقتكم ويديم بينكم المعروف

دكتور حر يقول...

صريح اوي
هتودي الناس ابو زعبل مش ابو كبير

ههههه

ربنا يكرمك على الذكريات الجميله اللي قلبت فينا كتير

هو اللأخ الأخير لماضه ده توفى ؟؟؟

حسيني يقول...

ماااااااااااااااااشي
ياابو علي
أولا أنا فعلاً تخين مش هدوم ومش بعمل رجيم
ثانيا فين شجرة المنجا إللي كنا قاعدين عندها لو جدع قولها
ثالثا أدام الله محبتنا وأخوتنا ويبعد عننا الناس اللي مش بتحبنا وربنا يستر
رابعا مقولتش الموسيقي اللي بغنيها لأحمد " لكنز مونامور" سلام يااا راااجل

امام الجيل يقول...

نسال الله كما جمعكم فى دنيا فانية
ان يجمعكم فى جنة قطوفها دانية

اللهم امين

ikhwangeeee يقول...

السلام عليكم

بجد هيا دى المحبة فى الله


و مش عارف ( أحمد السيد ) حبيبى أوىىىىى

يا رب يديم الحب والمودة

أخوكم إخوانى حتى النخاع
http://ikhwangeeee.blogspot.com

إبراهيم هنداوي يقول...

علشان كده إحنا مفتقدينكم بس دايما كلكم في بالنا

خديجة عبدالله يقول...

لا تعليق

أدام الله محبتكم فيه وجمعكم اخوانا على سرر متقابلين

_أول مرة حضرتك تكتب بدون مقاييس وخطط واعدادات مسبقة ..
مابال هذا التغيير لعله خير )

عموما وفقكم الله ونفع بكم الإسلام والمسلمين فلا أدوم ولاأرقى ولا أجمل
من الحب فى الله

صريح أوي يقول...

السلام عليكم
نبدأ بالدكتورة
الأجدع بنوتة
جزاكم الله خيرا يافندم
دعاء جميل
من لسان أجمل

صريح أوي يقول...

الدكتور الكبير الحر
السلام عليكم ورحمة الله وبركاته
ههههههه
وانت كمان ربنا يكرمك
لأأأأ
الأخ لماضى لسه قارفنا يا سيدي
بس هو نزل في شغلانة كدة بره مصر وراجع تاني
اصل انا عارفه مش بيعمر

صريح أوي يقول...

امام الجيل
كيف حالك اخي الكريم
جزاكم الله خيرا علي روعة احساسك

صريح أوي يقول...

اخوانجي
جزاكم الله خيرا
حب كبير وقلب أكبر دمتم في رعاية الله

صريح أوي يقول...

جزاكم الله خيرا ياعم ابراهيم
دايما معاك يا حبيب بس انت تأمر

صريح أوي يقول...

الاخت الكريمة
خديجة عبد الله
جزاكم الله خيرا علي الزيارة
لا هو الموضوع بس فيه شوية حاجات كدة
حصلت لينا اليومين دول فاحنا زعلانين من بعض وفيه مشاكل
وعلشان كدة
مفيش وقت
لترتيب الامور
جزاكم الله مرة أخري

صريح أوي يقول...

الحسيني
انا مش هأرد عليك

فليعد للدين مجده يقول...

اخي الكريم صريح قوي

اشكرك علي سعة صدرك

وأدام الله محبتكم في الدنيا والاخرة

تحياتي وتقديري

أحمد زيزو يقول...

والله يا عم فيش أحلي من أيام الجامعه .. الواحد بعد مخلص دراسه س زي ميكون سمك و طلع من الميه ...
واحشني مووت أنت و أحمد و حسيني ...
نفسي نتقابل تاني ...
هو ايه حكاية شجرة المانجه دي , أصل أنا فرمت الهارد اللي في دماغي الشغل بقي يا معلم ..

العسكري عتريس يقول...

ههههههههههههههه

جامده اووووووى التدوينة دي أحبك يا ابو على وانت بتكتب كده

اكتب يا بنى الجزء التانى .. طوابير ايه وبتاع ايه خلينى في الحسينى التخين

حس حس انت اتشردت يااااامعلم

صريح أوي يقول...

أستاذي ومعلمي الدكتور إيهاب
سعدنا كثيرة بهذه الزيارة
جزاكم الله خيرا علي حسن ذوقك ورفيع سلوكك وأدبك الجم لعلني أنا المخطئ في حقك وأن من يتوجب عليه الإعتذار
مرة أخري أقدم اعتذاري وأسفي
جزاكم الله خيرا علي الزيارة

صريح أوي يقول...

أحمد زيزو لماضة أخيرا اتكلمت مستنيين مدونتك خلص بقي ياريس فعلا محتاجين لأفكارك وأعمالك المجنونة

صريح أوي يقول...

عتريس
حمد لله عالسلامة
ياسيدي لازم يكون فيه شوية كدة وشوية كدة