السبت، أبريل ٢٦، ٢٠٠٨

آلاء أمير بسام .. اعلام مبكر


فتاة لم تبلغ من العمر 6 سنوات بعد ، لكنها تشعرك وكأنك أمام عقلية واعية ببواطن الأمور
إنها آلاء أمير بسام النجار
في زيارة لي لوالدها د. لأمير بعد خروجه من محنة ومنحة المحاكمات العسكرية
كانت المفاجأة هي آلاء
فتاة صغيرة رقيقة تشعر معها وكانك أمام إنسان ذو تجارب
لا زالت آثار اعتقال والدها منذ عام ونصف
محفورة في ذهنها الصغير
تروي آلاء كيف كانت تبكي والدها ، كيف كانت تبحث عنه فلا تجده ، كيف كانت تجلس معه في كل زيارة

فطلبت مني أن أسجل معها حوارا ، ياسلااام بس كده .. تعالي يا ستي

فتحت الكاميرا وهي وقفت أمامها بكل بساطة وكأن الموضوع ده هي متعودة عليه

ودي شهادة إنها لو امتهنت الصحافة سوف يكون لها باع كبير فيها إن شاء الله

آلاء " الحقيقة يعني .. الصراحة يعني .. هم جم اخدوا بابا بالليل وكسروا باب الشقة .. وهم أصلا ظالمين ..

هم ليه بيظلموا الإخوان المسلمين .. دول ناس طيبين وربنا بيحبهم .. وحسني مبارك أصلا ظالم ومراته سوزان كمان "

ولم يستطع كل من في الغرفة أن يمنع نفسه من الضحك الشديد

هو انا مش فاكر كل الحديث او الحوار الصحفي طبعا اللي أنا عملتوا معاها لكن انا سجلت الحوار فيديو وهنزله قريب جدا علي المدونة .. وده ليه سبب وجيه

علشان نفرق بين التربية الإخوانية في أبسط صورها مع طفلة لم تعي الرشد بعد وبين أي تربية أخري

كيف استطاع د . أمير أن يغرس قيم يعتنقها في نفوس أبناءه حتي من خلف الأسوار

وكأنه يقول للظالمين خاب مسعاكم فدعوتنا ليست حكرا علينا بموتنا او حبسنا ستنتهي

" يريدون ليطفئوا نور الله بأفواههم ، ولكن الله متم نوره ولو كره الكافرون "

هناك ٣٥ تعليقًا:

دكتور حر يقول...

و لسة
:)))

الحسيني يقول...

تمام يا أبو علي ربنا يرزقك مثلها


وهكذا بيوت الإخوان جميعا


بس ياريت تغير الصورة بأفضل

خديجة عبدالله يقول...

بسم الله ماشاء الله

ربنا يبارك فيها ويرزق والديها برها

هما كده زهروات وبنات الإخوان لماضة وخفة دم وفهم كمان

كويس إنها عارفة تفرق الظالم من المظلوم في وقت اختلطت فيه المفاهيم واضمحلت القيم

بس علي فكرة آلاء أحلي من الصورة اللى حضرتك حاططها بكتيييير :)

معلش بقه أخت صحبتي ولازم أدافع عنها

حضرتك يا إما تحط صورة جميلة يا بلاش

وننتظر باقي الحوار الممتع بالتأكيد

وجزاكم الله خيرا

غير معرف يقول...

ومصر ياما فيها مواهب وكنوز وحلاوتها فى ناسها

ارجو من الاصدقاء الاعزاء المرور والتفضل بزيارتنا على هذه المدونه
www.president-moubarak.blogspot.com
اهلا وسهلا بالجميع

khobayb يقول...

ههههههههههه

روعة

تدوينة رائعة

---

ألحق أجري أحسن هانضرب بالنار

M.Nassif يقول...

ما شاء الله عسولة جدا
ربنا يرزقنا حسن تربية أولادنا كما فعلوا هم
جزاكم الله خيرا

سما الإسلام يقول...

ماشاء الله
ايه القمر ده؟
ربنا يبارك فيها


جزاكم الله خيرا

أميمة كامل يقول...

ربنا يعوضنا خير فى أولادنا جميعا

وتقر أعيينا بهم وهم يحملون الأمانة

ويؤدون دورهم على خير وجه

اللهم آميين

أنفاس الصباح يقول...

ماشاء الله يا آلاء ,ايه التفكير العميق ده,بادرى عليك يا حبيبتى تشيلى الهم ,ربنا ينتقم من الذين ظلموكى وحرموكى خلو البال فى سن الطفولة ,فعلا تصنع الاحداث من اولادنا رجال وابطال رغم انوف الظالمين ,تدوينة جميلة ومعبرة يا اخ صريح ربنا يعزك ويكرمك ,فى انتظار الفديو.

shaimaa samir يقول...

لحظات لا نصنعها بل تصنع منا بشرا
تلك هى القضية
مواقف تمر بنا
تغير فينا اشياءا
ربما تنضجنا قبل اواننا
وهذا فى كل شىء فى حياتنا

جزاكم الله خيرا
وكان لى تعليق بسيط
التربية الإخوانية
كنت اتمنى ان تكتب
التربية الاسلامية التى يقوم بها افراد الاخوان
ان احببت ذكر كلمة الاخوان

اعزكم الله

بنت النيل يقول...

السلام عليكم ورحمة الله وبركاتة
صريح اوى
مدونة رائعة بحد
الاء بنت عمرها 6سنين صح
لكن عقلها اكبرمن سنها
ياريت كل الاطفال مثلها
انا فخورا بيها جدا
وعندها الشجاعة الا مش موجودة فى زمنا دة
وصريحة جدا
وقدرت تفرق بين الضالم والمظلوم

مش بس كدة لا
وعرفت من الظالم كمان
والله برفوا عليها
ربنا يحميها ويخليها
واتمنى ان ارى الفيديو قريبا
ولك كل تحياتى

بنت النيل

اوعى تفكر يقول...

هو ده الفرق بين بيوت الاخوان
وبيوت الحزب الوثنى
هى دى التربيه ولا بلاش

نـارا يقول...

بارك الله فيها..

وبارك الله فى كل أبناء الإخوان

وأبناء المسلمين..

حزلووووقه يقول...

ربنا يبارك فيها يارب

دي عسوله اوي


سلام

حزلووووقه

عبالعزيز يوسف لسه بحلم يقول...

يابنى دى بنت واحد من إخوان بلبيس
هما كدا أبناء الإخوان فى بلبيس
متميزين من صغرهم ما إنت عارف ياحسن

مواطن مصرى نايم يقول...

ربنا يبارك لوالدها
و يكرمه
هذا ابسط ما يقال
لرجل مثل والدها
نورتنى بالزيارة
تحياتى لك
eslam

Unknown يقول...

ربنا يفرج عنها و عن الجميع

ويفك اسر اسرانا وكل الماسورين

ضريبة الحرية والاصلاح ولازم كلنا ندفعها طالما عايزينها

في انتظار فيديو الحوار بمشيئة الرحمن

جزاكم الله خيرا

مدحت محمد يقول...

ربنا يحفظها
ويبارك فيها

حزلووووقه يقول...

شكرا جدا علي تشجيعك اوي


حطيت جزء المره دي

مستنيه اعرف رايك بس من غير مجامله

سلامي

حزلووووقه

غير معرف يقول...

ربنا يبارك فيها و في جميع أولادنا و يحفظهم من كل شر و مكروه و يثبتنا
وربنا يرزقك بذرية صالحة
و جزاك الله كل خير

ابراهيم يقول...

اخي اشكرك علي زيارتك لمدونتي
واتمني التواصل الدائم بيننا
اما الموضوع فتلك الفتاة رات مالم يراة اطفال في مثل سنها واكبر فقد غيرتها وعلمتها الاحداث اشياء من الصعب ان يتعلمها الاخرون
ارجومنك تزويديبمكان المقالة التي عنوانها عالم بلا اخوان مسلمون وشكرا

بنت مصريه يقول...

سلام عليكم
انا مش عارفه اقولك ايه بصراحه غير ان ربنا يكرمك ويوفقك
واتمنى تنورنى

سلفى بس إخوانى يقول...

السلام عليكم ورحمه الله وبركاته
فعلا انا اتاكدت انك صريح اوى
جزاكم الله خيرا واتشرفت بمعرفتك
االسلامالالا

رحاله يقول...

بسم الله
اخى الكريم حياك الله ودايما للامام
وفعلا دة يبين اثر الاسرة والتنشئه الاجتماعيه على الاطفال فيما بعد
ربنا يباركلك ويحفظ هذه البنوته الصغيرة يارب
وع فكرة انا اداب فلسسسسسسسفه
تقبل مرورى
جيلان

ahmed saker يقول...

السلام عليكم و رحمة الله و بركاته
بالفعل اذا كانت التربية اسلاميه صحيحة فإن عقله اكبر من سنه خصوصا اذا واجه مثل ما واجهته ءالاء او اي طفل من ابناء المعتقلين
شكرا لك

م/ أحمد مختار يقول...

دائما التربية في ظل مواجهات وحرب فكرية تولد اطفالا يدركون حقيقة الوجود في الدنيا مبكرا ، التربية التي تعمد على الفكر لايمكن ان تخيب او تكون عادية كبقية اقرانها ، وهي عاشت مواجهة وعاشت فكرا مضيئا يواجه باخر مظلم لا منطق له الا الفساد والمصلحة الشخصية وربنا يبارك في ابناءنا جميعا ويجعلهم قرة عين لنا

الأختان:عاشقة الشهادة وعاشقة فلسطين يقول...

ربنا يبارك فيها ,وينفع بيها الاسلام والمسلمين.
ماشاء الله بنوتة قمر.

جزاكم الله خيراً كثيراً.

walaa rizk يقول...

نعمه البيت نعمه التربيه

فيجب الانستقل بعقول الصغار لانهم الجيل القادم

وجزاك الله خيرا

Hosam Yahia حسام يحيى يقول...

ماشاء الله بوست جميل

ربنا يوفقك يافندم

الكاتب احمد كاجوال يقول...

أولا ما شاء الله مدونة مميزة و مضمون فعلا متميز .....

ثانيا أدعوك لدخول مدونة الصحبة الشبابية و مشاركتنا أرائك و أفكارك بل و تعليقاتك و خاصة بموضوع

الشباب و التغيير فى مصر

أرجوك كن اجابي ولو برد لأن شرف ليا اني أشوف تعليق عندي أرجوك متحرمنيش ردك و تعليقك ,, رجاء مش أمر " يا تري حتكسفني ولا لأ " ....

و عموما ... جزاك الله خيرا علي أي حال

http://so7bah.blogspot.com/

موناليزا يقول...

ربنا يحميها ويبارك فيها

حزلووووقه يقول...

ايه ده يعني تستعجلوني واعمل جزء بسرعه وفي الاخر الاقيكم مش منزلين مواضيع جديده


طيب انا منتظره موضوع جديد


سلامي

حزلووووقه

صريح أوي يقول...

السلام عليكم جميعا
معذرة علي التاخير في الرد ولكنها مشاغل الحياة
جزاكم الله خيرا جميعا
لعلنا نكون قد اقتنعنا ان التربية الاسلامية ستكون في حمي الاسلام افضل بكثير من حمي ظالم لا يعرف الرحمةبالصغير
تقبل الله منا ومنكم

شهاب الأزهر يقول...

احم احم... والحوار اللي انت سجلته راح فين؟؟

"إب" بالحوار عيب كده.. يلا بسرعة ارفعه على يوتيوب أو على أي موقع

بنت اخوانيه يقول...

فعلا حضرتك صريح أوى جزاك الله خيرا على هذا العمل
وفعلا كل بيوت الاخوان ممتلئه بهذه الكلمات وأكثر وياريت حضرتك تنزل اليوتوب