الأربعاء، مايو ٢٨، ٢٠٠٨

فترة فتور وراحة

هذا البوست بعد تفكير طويل
أكيد كل إنسان بيواجه فترات لازم يقف فيها مع نفسه ويقيم اداؤه ويراجع أولوياته
من هذا المنطلق وبناء علي نصائح أستاذي ، كان لازم أقف أراجع نفسي أصحح وضعي
المشكلة إن الفترة دي فيها امتحان الدراسات العليا ..
كمان فترة محتاج فيها أربع وعشرين ساعة زيادة في اليوم علشان أنجز أعمالي
لذلك ....
لن يكون من المنطقي أن أتابع الكتابة في مدونتي خاصة أنني
لست منتظما في الفترة الأخيرة
لذلك فهي
هدنة
قد تطول
ولكن لن أستطيع ألا أتابع مدونات أحبابي
كل الشكر للمدونين واخص بالذكر
مش عارف ، هوس هوس ، فليعد للدين مجده ، صلاح وإصلاح ، خبيب ، د. إيمان العزب ، لا للسكوت ، لن نصمت، الإرهابي ،لسه بحلم ، حرة المداد ، بذرة أمل ، كباية شاي ، دكتور حر ، د. نصيف ، م .أحمد مختار ، حكومة اوف لاين ، شهاب الأزهر ، عاشقتا فلسطين والشهادة ، أم حبيبة ......... إلخ
معذرة إذاكنت قد نسيت أحدا لكم جميعا خالص الأماني بالتوفيق والسداد
حياكم الله جميعا

هناك ١٨ تعليقًا:

الحسيني يقول...

أسمع بقي
لما تقف وتقيم نفسك مش معنى كده إنك توقف الحياة حولك
والمدونة مش هتاخد من وقتك كتير فكر شويه بعزيمه
وشكراً يا عم إن مدونتي من المدونات اللي بتتابع

جزاكم الله خيراً
حط مشاكلك علي جنب وأنطلق

fahd يقول...

ربنا معاك

ولكن مع قليل من التنظيم وحسن ادرارة الوقت تقدر تعمل كل اللي انت عايزه

أميمة كامل يقول...

لا مانع اطلاقا أن نأخذ أجازة من أنشطة ومهام علينا القيام بها
فهى تساعدنا على العودة أفضل واكثر نشاطا وحيوية
أنا فعلا كنت أفكر فى أجازة أيضا

لكن فى حاجة مش مطمنانى ان الأجازة جاية بعد تغيير القالب للون أسود
ولعله خير
نوافق على أجازة محددة الأجل وبشرط العودة أقوى وانشط وأكثر حماسا وتألقا

صاحب المضيفة يقول...

ترجع بالسلامة يا جميل

وربنا يوفقك لما يحبه ويرضاه



تحياتي

أخت مسلمة يقول...

هو بعينه
ذلك الاحساس
الوقفة مع النفس شئ جميل جدا
مريت بالموضوع ده كتير
وكل لما أزهق ولا أحش اني مخنوقة
أسود المدونة أو امسحها أو امشي وأسيبها
يمكن برجع بعدها أحسن
يمكن برجع بعدها أتذكر أهدافي اللي كانت أصابها التشوش
لكن كنت لسه بفكر النهاردة انه مش لازم كل لما انشغل أو اتضايق أطلع زهقي في المدونة
يمكن أنشغل عنها شوية
لكن أسيبها
ما أقدرش أبدا
لأنها بعد التعود عليها بتصبح صديق مخلص جدا
و دي حاجة أنا جربتها
بدليل اني لما مسحت حكومة أوف لاين
عملت اشراقات بعدها ب 3 أيام
وبعد ما قفلت اشراقات يومين رجعت لحكومة أوف لاين تاني
ما أعتقدش هتقدر تبعد كتير
-----------
أما لو كان السبب حقا الإنشغال
اذا أعانكم الله
وسدد خطاكم
لأن المدونة مش بس بتاخد الوقت اللي بتفتحها فيه
دي كمان بتشغل التفكير الي حد ما
-----------
معذرة للإطالة
بس أنا قلت الكلام ده كله لأني دخلت المدونة امبارح مالقيتهاش
ربنا يقدرلك الخير و يرضيك به دائما

أبو أسامة يقول...

السلام عليكم ورحمة الله وبركاته
بصراحة :

أن تحاسب نفسك وتعيد ترتيب أوراقك فهذا أمر لاشك فيه جيد .

اما أن يكون هذا الترتيب داعيا لك للخمول والتكاسل عن أن تعلن رأيك فيما حولك فهذا أنا أرفضه .

في النهاية الاختيار لك ويفعل الله ما يريد .

جزاكم الله خيرا
والسلام عليكم ورحمة الله وبركاته

شهاب الأزهر يقول...

الوقفة مع النفس ومراجعتها ومحاسبتها مطلوب قطعا... ولكن تذكر أن ذلك عملية لها بعدها، فليست جلدا.. ولا منعا.. إنما تعلم من الماضي وانطلاق نحو المستقبل

ننتظر عودتك القوية إن شاء الله بعد المراجعة

فليعد للدين مجده يقول...

ربنا يعينك ويوفقك وييسر لك الامور

خبيب يقول...

ربنا يعينك يا أستاذي

وييسر لك الأمور

ويوفقك

م/ أحمد مختار يقول...

اخي صريح اوي
فعلا انا مع الذين قالوا ان الافضل انك تطبق قاعدة : قليل مستمر خير من كثير منقطع ، ومع شيء من التسديد والمقاربة ومحاولة تنظيم الوقت اعتقد لن تغيب عنا لكن تقلل من تدويناتك ، كذلك لتكن تلك الهدنة الى اجل مسمى تعرفه ..... وعموما انت اعلم بحالك وظروفك فديننا يسر لا عسر ، لكن يعز علينا ان تبتعد عنا فترة لا نعلم مداها ..


وفقك الله لما يحبه ويرضاه

إيمان العزب يقول...

أخى الأصغر/أستاذ حسن
اتفق مع فترة هدنة إلى أجل مسمى
أثق أنك ستعود بقوة وعزيمة
أعتذر عن عدم متابعة المدونة من فترة لإنشغالى ولكن الشكل الجديد جميل ومتفائل
أشكرك لوضع رابط مدونتى مع مدونات أخواتك
ويشرفنى أن يكون لى أخ مثلك
أتمنى أن أرى عمر مثلك
تمنياتى لك بالتوفيق فى الدراسات
والعودة الميمونة للتدوين .

اوعى تفكر يقول...

مع السلامه هتوحشنا كتير
ربنا يوفقك ان شاء الله

بنت أبيها يقول...

لذلك فهي
هدنة

وكأنها حرب

:)

بالتوفيق ان شاء الله

خديجة عبدالله يقول...

لملمة وإعادة ترتيب أوراق ووقفة ولكن لن تطول بإذن الله

لكن بما إننا من الناس اللى اتشكرت يبقي وجزاك الله خيرا منه ويبقي لينا حق الإعتراض والشجب والإستنكار أم ماذا؟

ربنا يقدر لحضرتك كل الخير ويوفقك في امتحاناتك ماشاء الله ناس صراحة الواحد بيحس نفسه ...بس هيا الجغرافيا تتحب اوى كده :)
لكن حفظك الله ماشاء الله ونفع الله بك وتقبل منك وفي انتظار الأستاذ(حسن)صريح جدا وبكل جرأة في الحق وصراحة في الخير واقبال عليه

القالب جميل والله عن رأيى هو أحلي من القديم أو مريح أكثر للعين :)

عاشقة الشهادة وعاشقة فلسطين يقول...

وفقكم ووفقنا الله فى الإمتحانات.....وعند ظهور النتيجة.

Hosam Yahia حسام يحى يقول...

وفقك الله

ننتظر عودتكم

:)

نور يقول...

اعانكم الله

ووفقكم لما يحبه ويرضاه

مادام عملنا سواء دراسة او تدوين أو أو .. في نفس طريق حلمنا وأهدافنا يبقى كله يهون

ربنا مع حضرتك

أم حبيبه يقول...

أعانك الله اخنا

و وفقك لما يحبه و يرضى