الأربعاء، يناير ٢٣، ٢٠٠٨

للخيانة عنوان

بما أن هناك خيانة
وبما أن للخيانة عنوان
وبما أن الخيانة جريمة
وبما أن الجريمة تحتاج لمحاكمة
وبما ان المحاكمة تحتاج لقاض ، وشهود نفي وإثبات
وما إلي ذلك من مصوغات الحكم
فقد قررت أن أحاكم الحكام العرب
وان تكون شهادتي علنية
علي سمع وبصر
الجميع
قررت أن أحاكمهم علي ضعفهم ، طغيانهم ، ذلهم ،
عمالتهم للصهاينة ، علي استعباد شعوبهم
علي اعتقال الشرفاء
وترك الدهماء
والعملاء
ولتكن محاكمتي لهم بداية لانتفاضة تدوينية عارمة لتفضح من تركوا إخواننا
في غزة يموتون جوعا وظلما وحصارا
...فإلي المحاكمة
مصر
السيد محمد حسني مبارك
رئيس جمهورية مصر العربية


حيثيات الحكم

رئيس أكبر دولة عربية شعبا وجيشا وعددا وعدة

معه خير جنود علي وجه الأرض يمتلك من مقومات النصرة

ما لا يمتلكه رئيس آخر في أي دولة أخري حتي الولايات المتحدة

( ده تخصصي وانا أكثر واحد يعرف كده _ في الجغرافيا والعلوم السياسية )

التهم الموجهه : -

1- إساءة استغلال النفوذ والسلطة .

2 - قمع الحريات واعتقال المعارضين والشرفاء.

3 - قبول الرشوة الأمريكية .

4 - الخيانة العظمي للأمة الإسلامية والعربية .

5 - التآمر مع حيتان الإقتصاد في تدمير الشعب المصري .

6 - إفقار الشعب المصري وإذلاله

علي من يتهم هذا الرجل يضع قائمة بالاتهامات في تعليقه علي التدوينة

*********************

ليبيا

السيد معمر القذافي

رئيس الجماهيرية الشعبية الديمقراطية الاشتراكية الاسلامية الللللل.... الليبية


حيثيات الحكم : -

رئيس دولة تمتلك من المقومات الاقتصادية الكثير من بترول

ومعادن وصحاري شاسعة "..الصحراء مش نقمة ..دي

نعمة بس اللي يفهمها "

التهم الموجهه له :

1 - الغباء السياسي .

2- تبذير موارد البلاد .

3 - مش بيحلق شعره .

4 - الإثراء علي حساب الشعب

من يوجه لهذا الرجل اتهام معين .. يضعه في تعليقه علي التدوينة
**********************
الأردن
السيد عبد الله بن الحسين
العاهل الأردني


حيثيات الحكم
يمتلك نصرة الأقصي ولا يفعل ، يمتلك شعبا طيبا يبكي
اللإقصي ألما وحسرة
التهم الموجهه : -
1 - العمالة للعدو الصهيوني .
2- اعتقال الشرفاء من الإخوان المسلمين .
3- إضعاف الشعب الأردني وإذلاله .
4 - الخيانة للأمة الإسلامية والعربية .
هذا الشبل من ذاك الأسد.. " آسف في التشبيه "
من يوجه لهذا الرجل اتهام معين .. يضعه في تعليقه علي التدوينة
وللباقي بقية .. فالمحكمة طويلة وعلنية
وكله الدور جاي عليه

هناك ١٢ تعليقًا:

khobayb يقول...

أطالب بتوقيع العقوبة القصوى

عليهم جميعا

أحمد السيد عبد الحميد يقول...

حلوه مش بيحلق شعره دى اتهام فعلا يوجب الحكم بقص شعره ......والله هم مضحك مبكى اتقوا الله فى شعوبكم حكام العرب والمسلمين ورحم الله عمر بن الخطاب

سارة بندارى يقول...

اسلوب رائع فى العرض

وأضم صوتى لكم

وأطالب بشنقهم

بس على ايدى

يا رييييييييت يعنى

ــــــــــــــــــ


مستنيين الباقى أخ حسن

تحياتى

ا بـن عــمــر يقول...

أسلوب جديد ومميز فى العرض
جزاك الله خيرا
وحسبنا الله ونعم الوكيل فى حكام العرب

غير معرف يقول...

انت اختصرت المحاكمة فى 3 رؤؤس وهما اكتر من الرز كان المفروض يضاف لهم الاخوة الحكام الخليجيين وعلى رأس التهم التبذير الفائق للوصف يكفى ان دخلهم للبترول هذا العام قد انفق على العطور الفرنسية وحسناوات اوروبا
خلينا معاك فى ال3 دول حاكمنا الجليل حسنى مبارك كفاية عليه اللى انت قلته ولو انه تعدى ذلك
اما ملك الاردن ففاق الوصف فيكفى ان تضاف له اعلى مراتب الخيانة ويندرج تحتها كل ما ادرجته
السيد معمر القذافى لن احاكمه بل سأحاكم شعبه بأكمله لسبب وحيد نفسى اعرف ازاى اتعين من الاساس حاكم على ليبيا الم يدرك احد غبائه الفائق للحدود

غير معرف يقول...

ربنا يخلصنا ويريحنا منهم

دكتور حر يقول...

فكره كويسه يا صريح
بس ياريت تهتم بيها وتاخدها جد
وبقوائم قويه وجاده
ممكن تعمل شغل كبير جدا بها
بس الله يكرمك خليها جاده اكتر

لك تحياتي

يورو يقول...

لالا حرام
عاوزين توقعوا عقوبه على بابا حسنى ؟؟؟؟؟؟؟؟

ماشى انا معاكوا انه اساء استغلال السلطه
قتل جوانا معنى الحريه واعتقل الشرفا
دمر البلد وخربها وقدمها هديه للحراميه
معاك انه قبل الرشوه الامريكيه
الفقر بقى بيجرى فى دمنا ورئيسنا تالت اغنى رجل فى العالم
معاك انه دمر الشباب وشرد الاطفال وموتنا بالبطئ
معاك انه عايش خايف وساكت وكاتم شعبه ومعتقلهم ومموتهم
معاك ان مصر بكل الى مر عليها على مرور الزمن م وصلتش للدرجه الى هى فيها دلوقتى
معاكوا اننا بقينا امة الانتقام والتخريب والعوده الى اصول الغاب والهمجيه والتخلف

بس كمان المفروض م ننساش اعمال سيادته وانجازاته

الراجل باع البلد صيح

بس عملكوا كبارى
يوم بعد يوم نلاقيه عمل كوبرى جديد

هيعمل اى اكتر من كدا
احنا شعب طماع بصراحه
........

بجد بحيك على البوست
جه على الجرح
يارب فجر جديد

غير معرف يقول...

السلام عليكم ورحمة الله وبركاتة
اخى الفضل جزاك الله خير الجزاءعلى هذا المجهود وجعلة الله فى ميزان حسناتك وتحقق فى الواقع عما قريب
انا اؤيدك جدااااااااااااااا
ولابعد حد
حسبى الله ونعم الوكيلفيهم كلهم وفى اعوانهم
من
توتا المسلمة

غير معرف يقول...

ياه بسم الله ماشاء الله ..لما جيت على الموضوع ده أول مرة كنت أول واحدة ولسه هعلق هوب النت فصل ولما جه لقيت أنى أصبحت فى آخر الركب ..تتعوض إن شاء الله فى المرات القادمة .

أولا:طرح أكثر من رائع وينم عن عقلية واعية نحسبك كذلك ولانزكى على الله أحدا وجزاك الله خيرا..الجغرافيا السياسية ممتعة جدا بحق رزقك الله علما ينتفع به

ثانيا:البيه بتاعنا (سنسن)افندى ده موال لوحده محتاج محاكمة عسكرية وناخد فلوسه ندى نصها لشعبه والنص التانى لحماس ..لأنه أهدى شعبه دورات فى التعمية البشرية وليس التمنية ..أصل كل فرعون ليه هرم وهوة أهدانا ثلاث أهرامات هيا الخوف والجهل والمرض ..المشكلة إن فى ناس قبلت الهدية..بس طبعا فى ناس تانية بتهدم فى الأهرامات دى أصل هما ناويين يبنوا بناء تانى ليه قواعد راسخة وفعالة وايجابية وربنا معاهم ويوفقهم إن شاء الله

ثالثا:معمر القذافى قائد الثورة الخضراء ورئيس الجماهيرية العربية الليبية الشعبية الإشتراكية العظمى بتاع الكتاب الأخضر ..ده راجل دماغ لوحده نفسى لما يموت يشرحه مخه لحاجة فى نفسى اعرف بس هوة ايه جوة ..ده واحد كل يوم الصبح بيدخل جيبه طبعا مش خزينة الدولة أكتر من مائة مليون يورو من عوائد النفط ولديه شواطىء طويلة وثروة سمكية كبيرة جدا ومهدرة طبعا وتمور وزيتون وفواكه كالعنب حتى أسلوب تعبئتها محليا غير جيد ولا تدخل فى التصدير ..يعنى لا هما ياكلوا ولا يصدروا من الاخر محسسهم دايما بأنهم ولا حاجة وبلا قيمة وحالة شعبه فى الحضيض ولما فكر قالهم هيا بنا نوزع الثروة ووزع لاه قالهم كل واحد يشترى استمارة ويكتب فيها دخله وعدد عياله علشان هنعمل توزيع متساوى للثروة والناس فرحت بقه وطلعلواهوة بسبوبة جامدة من بيع الإستمارات لكن الثروة فين الله أعلم باين وزعها على رفقاء القائد واللجان الثورية والمسميات اللى بتدعم لزقته على الكرسى ..وأهدى شعبه ثقافة اللاوعى أو الرأى المغيب والعزلة عن الأحداث ..

رابعا:بتاع الأردن كرمانه لعيونه دادى تبعه ما تركه إلا وهوة مزبطله هاالأوضاع لحتى ما يلخم نفسه(مشاعر الأبوة بقه)وهوة يا عينى عليه زود على ها النهج حبتين لحتى يسبكهاو ما حدا يفتح تمه(فمه يعنى) ويقول توريث قال يعنى حاسس بعقدة الذنب ..باختصار الله يعين شعبه

خامسا:أسفة جدا لإنى طولت بس رغاية معلشى وربنا يكرمك وتكمل المحاكمات بس هوة فى محامين ولا الناس دى هتفضل لوحدها كده نقطع فيها ههههههه

دمت مع الحق وجزيت وحمبع المسلمين خيرا

مدونة يلا نفضحهم يقول...

عاجل الانباء
تم اصدار قرار تجديد الاعتقال للدكتور الزعفراني بعد الافراج عنه مرتين وهو الان في سجن الغربانيات في برج العرب بعدما كان محتجز في الترحيلات

شاركنا في التوقيع علي وثيقه اطلاق سراح الدكتور ابراهيم الزعفراني

Unknown يقول...

لا حول ولا قوة الا بالله
ربنا ادانا فرصة لا يمكن تتعوض تاني
ادي بتوع غزة جولنا لاجئين....فارين بدينهم ودماءهم
زي المهاجرين أيام الرسول صلى الله عليه وسلم بالضبط
واحنا قدامنا الفرصة ان احنا نبقى الانصار...لو عملنا زيهم...
هل هانفوتها ؟؟؟؟؟؟؟؟؟؟؟؟؟؟
............
لا تنسوا
ـ التبرع
ـ التبرع
ـ التبرع

ـ المقاطعة
ـ الدعاء